Best Online Courses Best Online Courses
Udemy.com Home page 728x90

آخر المقالات

recent
جاري التحميل ...

أهم 7 طرق علمية لزيادة الانتاجية


7 طرق علمية لزيادة الانتاجية

فى المقال دا هنتكلم عن طرق علمية مجربة هتساعدك على التركيز وتحسين الذاكرة ومساعدتك على الاستخدام الأمثل لوقتك وتحقيق اعلى معدل من الانتاجية + مجموعة من الكورسات لزيادة الانتاجية .

طبعا مش شرط ان كل الطرق تشتغل معاك لان قدرات الناس مختلفة عن بعض ولكن الموضوع محتاج تدريب على الطرق دي لفترة بحيث الطرق دي تكون جزء من طريقة تفكيرك وعاداتك اليومية

أهم 7 طرق علمية لزيادة الانتاجية

مبدأ باريتو - Pareto Principle

1- مبدأ باريتو - Pareto Principle


المبدأ ببساطة بيقول أن 80% من النتائج سببها 20% من الأسباب علشان كدا بيسموها قاعدة 80-20
فمهامك اليومية تقدر تقسمها لحاجتين

  1.  مهم
  2.  غير مهم


الفكرة هنا ان عندك فى يومك مجموعة من المهام 20% منهم بس هما اللى بيعطوك 80% من انتاجيتك , فلازم تبدأ تقسم مهامك اليومية على المبدأ دا وتبدأ بالمهام المهمة فعلا

تقنية الطماطم - Pomodoro Technique

2- تقنية الطماطم - Pomodoro Technique


هى تقنية لأدارة وقت عملك عن طريق تقسيمه لفترات مدة كل فترة 25 دقيقة وبينهم فترات راحة قصيرة 

لما تكون فى الجيم مثلا وبتلعب عضلاتك بتتعب بعد رفع الاثقال وبضطر انك تاخد بريك كل فترة علشان تشحن طاقتك وكذلك عقلك تركيزك بيقل مع الوقت وبتحتاج وقت تشحن فيه تركيزك علشان تحقق اعلى قدر من الانتاجية

تقنية بومودورو بتنقسم لأربع دورات مدة الدورة من 20-25 دقيقة وبين كل دورة فترة راحة من 3-5 دقائق وبعد الانتهاء من الأربع دورات بتاخد فترة راحة طويلة لمدة 15 دقيقة

المشكلة الكبيرة فى التقنية دي ان معظم مستخدميها بيستخدمو الموبيل كاتيمر لتقسيم الوقت ودا اكبر خطأ لان الموبيل واحد من اكبر المشتتات فننصحكم تستخدمو تايمر قديم زي بتاع المطبخ او بنصحكو تستخدمو تطبيق Forest

تأثير هوثورن - Hawthorne Effect


3- تأثير هوثورن - Hawthorne Effect


عبارة عن مجموعة من التجارب النفسية لدراسة تأثير المتغيرات المادية على انتاجية الأفراد

عقلنا بيتأثر كتير بالعوامل الخارجية اللى بتحيط بينا مثلا لو انت بدأت تقرأ كتاب انت مش متحمس له غالبا هتسيب الكتاب فى نصه لكن لو كنت قايل لصديقك انك بتقرأ الكتاب فعقلك بيكون عندك التزام انك لازم تخلص الكتاب
مثال تانى ان معدل مزاكرتك بيقل لو انت قاعد فى البيت وبيزيد لو بتزاكر فى المكتبة وسط زمايلك

الفكرة هنا انك تحاول تغير العوامل اللى حواليك باستمرار زي الأضاءة والمكان ونوعية الناس المحيطة وتوقيت العمل وغيرها من العوامل المحيطة وتسجل معدل انتاجيتك وتتعرف على أهم العوامل اللى بتساعدك على تحقيق اكبر معدل من الانتاجية .

تقنية زيجارنيك - Zeigarnik effect


4- تقنية زيجارنيك - Zeigarnik effect


المهام الغير منتهية تتزكرها أكثر من المهام المنتهية

هى تقنية لعلاج التسويف وتأجيل المهام بحيث انك تحدد المهام البسيطة وتبدأ فيها فورا وماتسبهاش اللا لما تنهيها لان لو سبتها غير منتهية هتفضل تفكر فيها وهتشغل جزء كبير من تركيزك وتأثر على باقى المهام

نظرية التوقع - Expectancy Theory


5- نظرية التوقع - Expectancy Theory


الانتاجية تتناسب طرديا مع النتائج المتوقعة 

كلما كانت النتائج المتوقعة من انجاز عمل ما كبيرة كلما زاد تركيزنا وانتاجيتنا على اخراج هذا العمل بشكل افضل , فمثلا انت لو عارف انك هتحصل على مرتب قليل فغلبا انتجيتك هتكون اقل ولكن لو عارف انك حتحصل هلى مرتب كبير فدا هيحفزك انك تشتغل وانتاجيتك هتزيد

لكن ماتعتمدش على النظرية دي دائما فى تحفيزك على زيادة الانتاجية لان لو موصلتش للنتائج المتوقعة دا هيسببلك احباط كبير , ويفضل ان المحفز او النتائج المتوقعة تكون معنوية أكثر وليست مادية زي الدين والأخلاق وحب العمل

قانون باركنسون - Parkinson’s Law

6- قانون باركنسون - Parkinson’s Law


العمل يتمدد ليملاء الوقت المتاح له

الوقت الذى يسبق الامتحانات يكون اكثر الأوقات انتاجية من اكثر الامثلة اللى بتدل على صحة القانون دا فانت لو اعطيت مجموعة من الموظفين مهمة لأنجزها فى ساعتين ومجموعة اخرى لانجاز  نفس المهمة فى اربع ساعات هتلاحظ ان المجموعتين انجزو المهمة فى الوقت المحدد لهم

الفكرة هنا انك لازم تحدد وقت اقل من الوقت اللى انت متوقعة لانجاز مهمة ما بحيث يسببلك ضغط ولا يترك لك فرصة للتشتيت والدخول فى منطقة الراحة

قانون هوفشتادتر - Hofstadter's Law

7- قانون هوفشتادتر - Hofstadter's Law 


المهام دائما تأخذ وقت اكبر من الوقت المتوقع 

ماكنش ينفع نذكر قانون باركنسون  من غير مانذكر القانون دا لان موضوع ان الوقت المحدد لمهمة ما بيكون دايما اكبر من توقعاتنا مهما كان مدى تخطيطك لهذه المهام ودا بيحصل مع كل الناس تقريبا .

لذا بينصح انك تحدد الوقت المتوقع لأنهاء المهمة وبعدين تحدد معادين ميعاد بينك وبين نفسك انك هتلزم نفسك لأنهاء المهمة فى الوقت دا ويكون وقت اقل من المتوقع وفقا للقانون باركنسون  .
والميعاد الثاني هو ميعاد التسليم ودا ميعاد بينك وبين مديرك او شخص اخر عموما ودا بيكون اكبر من الوقت المتوقع بـ 1,75 مرة والمهم فى الموضوع كلة هو الالتزام والواقعية فى تحديد الوقت .

كورسات لزيادة الانتاجية

كورسات لزيادة الانتاجية


لو عاوز تحسن اكثر من انتاجيتك ننصحك بالكورسات دي : 

1- Work Smarter, Not Harder: Time Management for Personal & Professional Productivity
كورس مجاني من كورسيرا يحتوي على ترجمة باللغة العربية هيساعدك على زيادة الانتاجية وتحسين ادارة الوقت والتخطيط الفعال

2- The Science of Everyday Thinking
 كورس مجاني من edx هيحسن من طريقة تفكيرك فى انجاز المهام اليومية

3- Productivity Machine: Time Management & Productivity Hacks 
كورس غير مجاني من يوديمي ولكنه كورس عملي اكثر وهيعرفك على افضل الطرق لزيادة الانتاجية وادارة الوقت وبناء العادات والقضاء على التشتيت والتسويف

4- Learning How to Learn
اشهر كورس على الانترنت من كورسيرا مترجم للعربية وهيساعدك على تحسين طرق تعلمك وزيادة انتاجيتك

5- تخصص مهارات النجاح وتطوير الذات
مجموعة من الكورسات من ادراك لتطوير مهارات ادراة الوقت وتطوير الذات وتحديد الاهداف

6- Time Management
كورس باللغة العربية مجانا من يوديمي لاستغلال وتنظيم الوقت

-------------------

وبكدا اتعرفنا على أهم 7 طرق علمية لذيادة الانتاجية وشوف البوستات دي ممكن تفيدك : 



-------------------

تابعنا على فيسبوك وتويتر ولو عجبك المقال شاركة وانفع به غيرك 

عن الكاتب

Hossam Mo

التعليقات

Udemy-EasterSitewideSale-Homepage-Banner:AllCourses$11.99-Dates:3/28-4/2

اتصل بنا

اذا اعجبك ما نقدمة من كورسات مجانية وشروحات تساعدك على البدأ فى تعلم مهارة جديدة عبر الأنترنت .. لا تنسى الاشتراك فى بريد الموقع ليصلك كل جديد ..

جميع الحقوق محفوظة

Best Online Courses